溫馨或警告提示
點解噚日問大家展示自製圖片（cover photo）有無問題呢？登登登登，謎底即將打開。
事緣三日前，突然收到面書溫馨或警告提示，專頁違反社交標準，已經撥入「不會發放給新人」行列，唯一補救方法，就係要我更改cover photo，睇「官方」接唔接受，至會將專頁狀態回復正常，期間任何人都照樣睇得評論得些牙得，就好似緩刑一樣咁。
明明紅底白字嘅cover photo已經喺面書post咗三年，「道不同不相為謀，德不孤必有鄰」，一向平安大吉，乜事都無，係咪西人、扮西人、機械人、無聊人唔鍾意古人明訓？唔喜歡紅底唔夠紅啫？
正所謂「惡勢力之前，蟻民人人平等，衰運個個有份」，但你認為我應唔應該改變遷就一下呢？識時務者為俊傑呢？
對我嚟講，得寸進尺同飛擒大咬差唔多，要我改，咁我畀個答案「官方」：「呸！」
Search